خدعوك فقالوا.. ولعبة الشيطان معاك أول ماتلتزم
"انت التزمت وقربت من ربنا... ولسه عندك مشاكل؟!"
ليه اى حاجة بندعى بيها و مش بتتحقق لينا بنحس باحباط و يأس؟؟
و بنعتبر انه ضرر اصابنا و ان ربنا ضيق علينا؟؟؟
ليه مش بنعتبره ابتلاء ...و ان ربنا منع عنا ضرر من الممكن انه كان يصيبنا اذا استجيب لدعوتنا و ان ربنا هيجازينا فى الاخرة...
دنيتنا دار ابتلاء... فيها المرض، و فقد الاحبة، و الفقر... بس لازم نحتسب و نصبر و نشكر لان ربنا هيعوضنا عنها فى دار الجزاء بتكفير الذنوب و قصور فى الجنة و رفقة الحبيب المصطفى صلى الله عليه و على آله و سلم "تبارك الذى بيده الملك و هو على كل شئ قدير الذى خلق الموت و الحياة ليبلوكم ايكم احسن عملا"
فيه مننا اللي بيقول
"انا دعيت ربنا انى اتجوز و محصلش و دعيت يوسع عليا و سيبت حاجات كتير حرام علشان خاطر ربنا... و بردوا محصلش اللى انا عايزه"
اصبر و استسلم لربنا... هو انت مسمعتش عن ناس لما اغتنت بعدت عن ربنا و استغنت عنه؟؟؟
ممكن ربنا يأخر اجابة دعائك لحكمة انت لاتعلمها...
استسلم لربنا و خد بالاسباب و اجتهد و اتق الله "و من يتق الله يجعل له مخرجا و يرزقه من حيث لا يحتسب" احنا بكل ما نملك بين ايدين ربنا ملك الملوك...
اقولوك حاجه تعملها غمض عينك ولو خمس دقائق خمس دقائق بس مش كتير ومارس حياتك وانت مغمض كل واشرب وقوم واقعد مارس حياتك كلها وانت مغمض في الخمس دقائق دول وبعده كده فتح عينك واشكر ربنا انك ليك عينين تشوف بيها واشكره علي نعمه اهي ديه نعمه واحده من نعمه وشكرتها ما بالك الباقي
موضوع: انا التزمت وبرده ربنا مش بيحققلي ال انا عاوزه؟؟ 
الثلاثاء أغسطس 12, 2008 7:16 am
