يلا ياعم عندك واحد مبدا واتنين قيم وشاي في الخمسينه واتوصي ؟؟؟

يلا يجماعه بسرعه قبل البوفيه ما يقفل

انا عن نفسى هطلب واحد مبدأ
و اتنين قيم
وعلشان مبحبش الشاى هطلب كوفى ميكس محوج

بما أننا بقينا عايشين فى قهوه
الطلبات و المشاريب بقيت غاليه و اللى كان بيدخل يشرب يعدل مزاجه
ويظبط دماغه من تعب يوم كامل
بقى يدخل يدوش دماغه بالاسعار و الكلام الفارغ و الاغانى الشغاله فى 3 تليفزيونات على الاقل فى القهوه
وطبعاااااا الكوره
بقيت موضه قديمه اوى ان القهوجى يسمع طلب على سلعه بارت
ومبقاش لها مكان دلوقتى
او تلاقى واحد قاعد هناك فى القهوه على جنب يقولك :
ياعم بطلوا مثاليه
او صاحب القهوه يقولك :
امشى جنب الحيط يحتار عدوك فيك
ولا حتى تيجى ست جنب القهوه بتبيع خضار تقولك :
جرى ايه يا باشا ما احنا عايشين فل من غير الكلام الكبير ده
حياتنا بقيت زى رواد القهوه
كلها تظبيط مزاج وخلاص
انا مش هناقش مشروع فتح كافيه او قهوه بلدى او قهوه افرنجى بدش
انا صعبان عليا القهوجى
اللى لما اخينا طلب واحد مبدأ و اتنين قيم
دخل مطبخه و تنح وقال فى عقل باله:
مش عارف يعنى اجيبله سحلب ده و لا عناب
اصل المبادئ و القيم بقيت زى السحلب و العناب
سؤال و جيه على بالى
هل عندك مبدأ
مــــــ بــــــــــــــ د أ
طيب و مبدئك ده واضح قدام عنيك ولا ساعات كده بتزوغ منه وتلف حوليه

مبدا ههههههههههه على فكرة فى كتير عندهم مبادئ بس فى اكتر معندهمش ودى المشكلة