حاجات كتير بتتميز بيها بلدنا .. منها اللي يزعّل و منها اللي يقهر .. و منها اللي يشرح القلب ..
و تشتاقله لو روحت فين .. زي طبق الفوووول المعمر اللي لازم أي بلد يحل فيها المصريين .. يحل معهم هذا الحارس الخاص و هذا المضاد الحيوي ..
و تفتح المحلات و المطاعم لتلبية طلب المصريين في لندن و السعودية و أمريكا و بلاد الفرنجة .. و إليكم بعض هذه المشاهد الحصرية
في مصر فقط
لم يذكر السجن في القران الكريم إلا في مصر (في سورة يوسف )
في مصر فقط
الأموات ينفقون علي الأحياء "الفراعنة و الأهرامات و الذي منه"
في مصر فقط
تجد شخصا أقل منك في المستوي العلمي وحصل علي 50% فقط في الثانوية العامة .. ولكنه يتنطط عليك و يتحكم فى شعب كامل لأنه ببساطة دخل بيهم كلية الشرطة او حتى معهد امناء شرطة .. اللي في خدمة قفا الشعب.
في مصر فقط
ينمو نبات البردي و ورد النيل و الجرجير و الخبيزة و الليف
في مصر فقط
تأكل الحواوشي و الشكشوكة و الكشك الأسيوطي والملوخية بالأرانب و المسقعة و الكشري و محشي الكرنب و طاجن العكاوي و الكبدة الاسكندراني .. آه نسيت .. و الفووووووووووووووووول اللي مش سوداني
في مصر فقط
تعبر الكلاب الشوارع بطريقة أشبه بالتي يعبر بها الآدميون .. تقف الكلاب علي جانب الطريق تنظر يمينا ويسارا حتى تعبر في أمان .. وليت البشر عندنا يعبرون بالطريقة نفسها ينجون مثل الكلاب .. ولكن المواطن المصري والمصري فقط يجب أن يعبر الشارع كطائر البطريق أو البط البلدي
في مصر فقط
يمتلك المواطن بالوقت والممارسة مهارات خاصة في ركوب الأتوبيسات المسرعة والتسلل إلي العمق أو الوقوف بأطراف أصابع القدم علي أخر درجة في السلم "اطلع من علي الباب يا فندي العربية فاضية أدام" .. طبعا ربنا ما يوريك بقى لو كانت مليانه
في مصر فقط
تنشب الصداقة سريعا وفي اقل من ثوان في إشارة المرور أو في مصلحة حكومية أو في الأسانسير أو حتى في طابور العيش
في مصر فقط
يتم إنفاق ملايين الجنيهات من أجل الحصول علي "صفر كبير" أمام العالم .. كانوا خايفين ياخدوا درجة بالسالب .. بجد الصفر أرحم
في مصر فقط
يقدم الكشري ساخنا في أكياس بلاستيكية شفافة
في مصر فقط
.. ادفع وبعدين اشتكي - التحصيل أولآ-
في مصر فقط
.. تم القضاء نهائيا علي ظاهرة "إدمان الهيروين" بعد أن أصبح "البانجو"في متناول الجميع ..
فى مصر فقط
..لا يتم وضع الملصقات إلا تحت لافتة
"ممنوع لصق الإعلانات"
فى مصر فقط
..يتم تحصيل ضريبة مبيعات على حاجات لا تباع (مثل فاتورة التليفون)
أخيرا فإن ما يوجد في مصر فقط وحصريا على أرض الواقع أكثر بكثير مما نستطيع حصره في مجرد سطور .. و لكننا نقولها وبكل شاعرية ودراماتيكية وحنية: "عظيمة يا مصر يا أرض النعم"
موضوع: انفراد في مصر بس؟؟؟ 
الثلاثاء أغسطس 12, 2008 8:06 am
فعلا حقيقى مصر ام الدنيا فى كل حاجه حتى الحاجات الوحشه هى فعلا ام الدنيا عظيمه يا مصر