بيقولوك ايه البلد فيها بطاله طب ازاي؟
تعالوا نشوف:
ننزل الشارع نلاقي ايه الشباب علي القهاوي مليانه مرميه اكتر منها مفيش بيقولك اكتر من الهم علي القلب
تسال واحد يابني بتشتغل ايه يقولوك اهو شغلانه والسلام ومرتب علي قد الحال والحياه مقرفه والدنيا بقيت غاليه
طب ياعم سيب الشغلانه واشتغل شغلانه تانيه يقولوك اصل وفصل واصل الجامعه واصل الكليه واصل شغلي وهيثار عليه
تيجي بقي تساله انت بتقعد قد ايه علي القهوه يقولوك بقعد كل يوم والله شوف البجاحه
طب بتصرف قد ايه كي يوم والله انا بصرف كل يوم مش اقل من عشره جنيه طبعا انت عارف بقي شاي وقهوه وكابتشينو
طب ياعم يعني البتاخده من الشغل بتصرفه علي القهوه
تقوله طب ياعم بدل قعدتك علي القهوه روح اشتغل شغلانه تانيه ووفر فلوس القهوه يقولوك اصل وفصل وفين ومع مين وبتاع وازاي والوقت ضيق وبصراحه انا
انا مش فاضي انا هنا رئيس جمهوريه القهوه
والنبي فين البطاله لما احنا كده ها انت بقي تقعد علي القهوه ولا هتقوم وتشتغل
وتسمعهم بقي اصل انا معايا باكلوريوس وانا معايا معرفش ايه ودكتوراه طب ما انت كده كده قاعد بيهم علي القهوه
وماشاء الله شغال رئيس جمهوريه القهوه اني احسن رئيس جمهوريه القهوه ولا ابدا خطوه خطوه وواحده واحده
محدش بيوصل للهو عاوزه غير واحده واحده
وكفايه بقي قهوه قهوه قهوه قهوه قهوه ؟؟؟؟؟
موضوع: قهوه ......قهوه.....قهوه.....؟؟؟ 
الإثنين أغسطس 25, 2008 7:24 pm
